1. |
Mensch
02:50
|
|||
A Kind glabt so ans Christkind
A Kind glabt so ans Glück
A Flüchtling glabt an die Zukunft
Vielleicht wünscht er si in a guade Heimat zurück
Der Wissenschaftler glabt an die Technik
Die Weltformel find ma a no
Der Indio glabt an Mutter Erde
Und mei liabe Frau glabt an ihrn Mo
Und wos glabst Du?
Und wos glabst Du?
Und wos glabst Du?
Der oana kimmt in Himme wann er vui Ungläubige daschießt
Der ander macht an guadn Job wann er die Bomben gscheid abwirft
Der dritte glabt an UFOs die uns jetz boid retten dan
Der vierte glabt ans Geld und dass die Banken wichtig san
Und wos glabst Du?
Und wos glabst Du?
Und wos glabst Du?
I glab an den Menschen
I glab an den Sinn
Koana kennt des ganze Buidl
Oba gwis san Menschen drin
A jeder Mensch macht Fehler
Und a jeder Mensch moants guad
Er hod so vui vagessn
Oba hod die Liab im Bluad
Do steckt a Mensch drin
In jedem Mensch steckt a Mensch drin
Do steckt a Mensch drin
Und drum glab I an Di
I glab an mi
I glab an uns
I glab an uns
I glab an uns
|
||||
2. |
Amerika
03:50
|
|||
Host as scho gherd die Welt is rund
Kolumbus schau moi ob da no wos kummt
So weit sans gsegelt übers Meer
Dann auf oamoi Land und da lebt ja scho wer
In Amerika, in Amerika
Mir hom dramd von Amerika
Im Westen gibts a groß neis Land
Do kunnt mas doch vui besser ham
Vui guads passiert und a vui Schmarrn
Indianer Sklaven Vietnam
In Amerika, in Amerika
Mir hom dramd von Amerika
In Amerika, in Amerika
Mir hom dramd von Amerika
Ihr fliagts zum Mars und zum Mond
Hobts gar ned gwusst dass da scho wer wohnt
Die grössten sei gfoid eich so guad
Zum Glück is des a oida Huad
In Amerika, in Amerika
Mir hom dramd von Amerika
In Amerika, in Amerika
Mir hom dramd von Amerika
In Amerika, in Amerika
Mir hom dramd von Amerika
In Amerika, in Amerika
Mir hom dramd von Amerika
|
||||
3. |
Stern
03:23
|
|||
Heid homs Di vagessn
Heid ruaft koana o
Und es hod a lang scho koana gschrim
Die Nachbarn dan kurz griassn
Koana ratscht mehr in der Stod
Und dei Mo der fehlt Dir jeden Dog
Und sei Stern scheint für Di
Und sei Stern scheint liab
Und sei Stern scheint für Di heid Nacht
I sing meine Liada
As Lem geht sein Gang
Und I woas wia s is alloa dahoam
So liab tragst Du Dei Lem
Dei Herz is groß und weit
Stad wartst Du auf Dei Zeit
Und Dei Stern scheint für Di
Und Dei Stern scheint liab
Und Dei Stern scheint für Di heid Nacht
Stad bist von uns ganga
Gehst mir heid no ab
So vui hast mitgnomma ins Grab
I hob Di nia vergessn
A Guads Gedenken bleibt
Und i hoff Du hast a guade Zeit
Und mei Herz schlagt für Di
Und mei Herz schlagt liab
Und mei Herz schlagt für Di heid Nacht
Und Dei Stern scheint für mi
Und Dei Stern scheint liab heid Nacht
|
||||
4. |
Schmetterling
02:45
|
|||
Regenbogn über unserm Haus
Mir hom gwoant und der Himme macht auf
Und mir spürn den Seng
Bettler am Rand jeden Dog werns mehr
Und jeden Dog gib I heid wos her?
Irgendwos laft verkehrt
Oa Mensch geht und a neis Lem fangd o
wos morgn kummt wer woas des scho
Und mir lem grod jetzt
Schmetterling is a Raupn moi gwen
Die verpuppt si und werd flüssig innendrin
Da bleibt nix wias war
I wünsch mir so daß mir heid Flügel kriang
Daß die Schleier foin die uns auseinand dividiern
Daß mir zamm guad Lem
|
||||
5. |
Papa
02:47
|
|||
Oana von 15 bist Du gwen
Hast die Hena ausgmist
Nach Regensburg aufd Schui ganga
A guada Christ
A Pfarrer bist worn
Nach Bolivien hams di abgworm
Wohin soi des no führn?
Du hast an jedem Dog auf des Lem vertraut
Auf den Segen und den Sinn
Und der Himme hod Di reich belohnt
Schau wia Du strahlst zwischen Kinder und Enkerl
Ihr kennts die Gschicht und sie is a do
Die Gretl hod eam gfoin
Hundert Sachan hams erlebt
Heid samma olle do
Vier Kinder san verheiratet
Sechs Enkerl san scho do
Wohin soi des no führn?
Du hast an jedem Dog auf des Lem vertraut
Auf den Segen und den Sinn
Und der Himme hod Di reich belohnt
Schau wia Du strahlst zwischen Kinder und Enkel
Hast Du jeden Dog auf des Lem vertraut
Auf den Segen und den Sinn
Und I gfrei mi daß d mei Papa bist
I hätt Di sonst scho vermisst
Achzg Jahr bist worn
Schaust oiwei no ganz froh nach vorn
Wia a Kind unschuldig und frei
Kimmst gwiß leicht in Himme nei
|
||||
6. |
Hochzeit
04:14
|
|||
I war lang alloa
Alloa wars fad
War mir andre Frauen zamm
Die san heid ned do
Uns jetzt hamma uns
Und mir ham die Gunst
Und I her Tausend Melodien
Und sig Millionen Engel fliang
Und die Liabste davo
Steht vor mir einfach do
Und I glab i bin ihr Mo
Du warst lang alloa
I glab es war fad
Warst mit andre Männer zamm
Die san heid ned do
Und jetz hamma uns
Und mir ham die Gunst
Und Du herst Tausend Melodien
Und sigst Millionen Engel fliang
Und der Liabste davo
Vielleicht woast as ja scho
Der is jetz Dei Mo
Mir warn lang alloa
Alloa wars fad
Warn mir andre Menschen zamm
Die san heid ned do
Und jetzt hamma uns
Und mir ham die Gunst
Und mir hern Tausend Melodien
Und seng Millionen Engel fliang
Und heid san alle froh
Weil sie wissen es scho
Jetzt samma Frau und Mo
Und Du herst Tausend Melodien
Und sigst Millionen Engel fliang
Du bist oana davo
Vielleicht woast es ja scho
Du liabe Frau Du guada Mo
Und Du herst Tausend Melodien
Und sigst Millionen Engel fliang
Du bist oana davo
Vielleicht woast es ja scho
Du liabe Frau Du guada Mo
|
||||
7. |
Wahnsinnig
02:56
|
|||
Host Du heid scho des neiste gherd
Vom Kriag und Stress auf dera Erd
Wos de ois vornrum dan und hintenrum ren
Oder andersrum gega wen
De Gschaftler streitn si von fria bis spad
Wers jetz wichtiger und gscheider hod
Wos hod des streiten und des schrein scho bracht
I glab mera an die staade Kraft
Glabst Du des Geld und die Gwoit und der Zwang
Glabst Du des hoit si no so lang
I gfrei mi wenn si's ändert boid
Es werd Zeit daß der Schleier foid
Es mocht mi wahnsinnig wos I ois sig
Es macht mi wahnsinnig wos I ois lies
Es macht mi wahnsinnig fast wia im Kriag
Prasseln Sachan auf mi ei
So voi Zeig wui in mei Hirnkastl nei
Und wann is der Kriag vorbei?
|
||||
8. |
Liam
03:06
|
|||
Es werd scho wieder Summa
Es is schon wieder Zeit
Mir sitzen do auf am Bankerl
Und mir san so frei
Und Du sogst es kon uns passiern
Und Du sogst es kon uns passiern
Und Du sogst es kon uns passiern
Dass mir uns liam
Im Winter brennt da Ofen
Schau da Schnee liegt so staad aufm Bam
Zwoa Meisn fliang ins Voglheisl
Und uns werd ums Herz ganz warm
Und Du sogst es kon uns passiern
Und Du sogst es kon uns passiern
Und Du sogst es kon uns passiern
Dass mir uns liam
Mir Menschen san a Wunder
So vui Liab es is a Schau
I gfrei mi daß i meine Liada singa ko
Und über Di mei liabe Frau
Und Du sogst es kon uns passiern
Und Du sogst es kon uns passiern
Und Du sogst es kon uns passiern
Dass mir uns nia mehr verliern
|
||||
9. |
Violetter Strand
03:23
|
|||
Und du führst mir an den violetten Strand
Grod hob I no vor mir hi dramd
Und Du sagst mei Weg is so schee
Und wia I n geh
Und des hob I braucht
Weil I mir scho moi frog
Wofür die ganze Plog
Mir sitzen am Strand Stund für Stund
Auf oamoi fühl I mi so rund
A zwoate Sunn geht auf
I bin voi guad drauf
Ois hängt so schee zamm
I fühl mi so dahoam
Am violetten Strand
Und am lilanen Meer
Kimm doch zu mir her
Kumm mir treffen uns am violetten Strand
Bloß mir zwoa alloa Hand in Hand
Und mir nehmen so vui mit
Die Erinnerung an des Glück
Und an unser Ziel
Tiaf in unserm Herz
Tiaf in unserm Herz
In unserm violetten Herz
|
||||
10. |
Ronja (Impro)
07:54
|
Streaming and Download help
If you like Stefan Gineiger, you may also like:
Bandcamp Daily your guide to the world of Bandcamp